क्षतिपूर्तिको माग गर्दै पासाङल्हामु मार्ग बन्द
Updated on: Tuesday, December 25, 2012
त्रिशूली (नुवाकोट), १० पुस । माइक्रोबसको ठक्करबाट विदुरमा सोमबार एक युवतीको ज्यान गएपछि क्षतिपूर्तिको माग राख्दै पीडित पक्षले आज पासाङल्हामु मार्गको ढुङ्गेमा सडक बन्द गराएका छन् ।
माइक्रोबस सञ्चालक समितिले नियमबमोजिम तोकिएको क्षतिपूर्ति मात्र दिने अडान लिएपछि पीडित पक्षले रु १० लाख क्षतिपूर्ति दिनुपर्ने मागसहित अहिले बिहानदेखि घटनास्थल ढुङ्गे बजारमा बाटो बन्द गरेका हुन् ।
बाटो बन्द भएपछि काठमाडौँ र रसुवा आउने जाने सवारी साधन सो ठाउँमा रोकिएका छन् ।
सोमबार काठमाडौँबाट त्रिशूलीतर्फ आइरहेको बा१ज ९३४२ नं को माइक्रोबसको ठक्करबाट ढुङ्गेको प्रतिक्षालयमा बसिरहेकी तुप्चे–४ की १८ वर्षीया सुनिता अधिकारीको ज्यान गएको थियो । दुर्घटनामा घाइते हुनेमध्ये एक जनाको काठमाडौँको न्यूरो अस्पताल र दुई जनाको शिक्षण अस्पतालमा उपचार भइरहेको छ । रासस
हाम्रो फेसबुक पेज लाइक गर्नुहोस
Tags: News
0 comments