नेपालमा महिला हिँसाले उग्र रुप लिइरहेको छ | बलात्कार र हत्याका घटनाहरु बढ्दै गएका छन् एक पछि अर्को घटना घटिरहेका छन् घटनाका दोषी लाइ समातेर कारबाही गर सरकार असमर्थ भइरहेको छ अझ भनौ सरकारले यो कुरालाई बेवास्ता गरिरहेको छ |


दिनहु जसो महिला हिँसा बढिरहदा पनि सरकारले चासो नदिएको भन्दै महिला अधिकारकर्मीहरुले धर्ना अनि प्रदर्शन पनि गरिरहेका छन् | पूर्व मिस नेपाल माल्भिका सुब्बाले फेसबुक मार्फत यस्तो पात्र लेखेकी छिन.....

माल्भिकाले प्रधानमन्त्रीलाई लेखेको चिठ्ठीको पूर्ण विवरण यस्तो छ

प्रिय प्रधानमन्त्री बाबुराम भट्टराई ज्यू,

‘हालसालै समाचारमा आएको महिला हिंसाका कुरालाई लिएर विवाद उठिरहेको छ । म आफु पनि एउटा चेली भएको नाताले नेपाल अब नारीहरुका लागि सुरक्षित ठाउा नभएको भन्ने निष्कर्षमा म पुगिसकेको छु ।

सीता राई, सरस्वती सुवेदी, चोरिमाया महर्जन र भर्खरै मात्र लाहान सिरहामा एक जना बहिनीलाई आफ्नै नाता पर्ने र चिनेका दुईजनाले गरेको बलात्कार ले हामी सबै नेपाली नारीमा नेपालको कानुनबाट विश्वास उडेको छ ।

यति दिन हुँदा पनि कारबाही नभएको र बलात्कारको बिषयमा कडा कानुन नभएको देखेर कारबाही नभएको दखेर राष्ट्रलाई झक्झकाउन मन लाग्यो |

तपाईहरुका चेलीबेटी हुन् यिनी, तपाई आफ्नै सन्तानलाई यस्तो भएको भए ती मानिसहरुलाई बााकी राख्नुहुन्थ्यो होला र ? देशको प्रगतिलाई आत्मसात गरेर हिाड्नुहोस अब, सत्ताको पछि नलाग्नुहोस् । तपाई प्रधानमन्त्री भएदेखि धेरैको मनमा आशा जागेको थियो, त्यसलाई विलीन हुन नदिनुहोस् ।

नेपाल आमालाई नरुवाउनुहोस्, बिन्ती छ । र, अहिले जगन्य अपराध व्यक्तिलाई कडा भन्दा कडा सजाय दिनुहोस् र महिला हिंसा र बलात्कार गर्नेलाई कडा सजाय दिन नियम बनाउनुहोस् र लागु गर्न लगाउनुहोस् । अनि मात्र हामी तपाई र अरु पार्टीमा अनि नेपाल एउटा सुरक्षित ठाउा हो भन्ने विश्वास गर्छौ ।

जय नेपाल

हाम्रो फेसबुक पेज लाइक गर्नुहोस

Tags:  Society